Mès d'ua vintea d'estands s'an dat cita en Vielha ena naua edicion dera Hèira d'Artesania "Hèt a man, hèt aciu", organizada peth Conselh Generau d'Aran damb era collaboracion dera Deputacion de Lhèida, Foment Torisme Val d'Aran, er Ajuntament de Vielha e bères associacions de productors d’Aran.

Centenats de persones an recorrut eth Passèg dera Libertat de Vielha pendent aguesti quate dies de hèira, a on s'i an pogut hèr a conéisher productes dera tèrra coma eth licor de cassís o era mèu. E a on tanben s'an pogut descorbir productes innovadors que profiten bens damb tant de valor  coma es aigües termaus e eth caviar aranés.

Er objectiu d'aguesta hèira ei apropar eth producte tipic e d'elaboracion pròpria dera Val tant a toristes coma as madeishi locaus.

Totun, s'i an organizat talhèrs d'elaboracion de sabons de banh, pastissaria, reciclatge, bijuteria o pentura entà méter en valor eth sector dera artesania.