Eth Centre d’Interpretacion dera Artiga de Lin dejà ei dubèrt ath public en orari de 9 deth maitin a 6 dera tarde.

Aguest nau espaci, qu’aufrís tot tipe d’informacion sus era flora, fauna, geologia e istòria deth paratge, servirà entà méter en valor aguest magnific espaci.

Eth Centre d’Interpretacion somarà un nau atractiu ar entorn dera Artiga, zòna ena quau eth torisme ei impulsat gràcies ath servici deth trenet pendent es mesi d’ostiu e que se veirà estimulat tanben damb eth nau refugi que se demore qu’entre en foncionament a compdar de seteme.

Segontes eth Conselh, aguest nau centre ei important entar equilibri territoriau deth parçan, damb eth Naut Aran coma referent de Nauta Montanha, Mijaran (concretament eth terçon de Lairissa) damb aguest paratge dera Artiga de Lin e eth Parc de Fauna de Bossòst coma promocion des montanhes deth Baish Aran.