Dejà a començat era campanha tà promocionar era sason d'iuèrn ena Val

06/10/2018

Entrada ja era tardor e damb eth prumèr heired dempús der ostiu, ena Val ja se comence a pensar ena sason d’iuèrn. En aguest sens, era campanha d’iuèrn ja s’està premanint. Ei per aquerò qu’era conselhèra de Torisme dera Val d’Aran, amassa damb eth director comerciau de Baqueira Beret, presentèren en Japon, era campanha dera pròplèu sason d’iuèrn ena Val d’Aran.

Era presentacion debanèc ena sedença der Institut Cervantes de Tòquio a on tanben i assistiren representants de Turespaña e dera Agéncia Catalana de Torisme.
Ar acte de presentacion dera campanha d’iuèrn i assistiren 100 representants de diferenti touroperadors deth Japon.
Ua bona escadença entà mantier contacte dirècte e personau damb es representants des enterpreses toristiques japoneses mès importantes, que se mostrèren fòrça interessades peth nòste destin toristic de montanha, qu’ei plan exotic entada eri.

Tanplan, era campanha d’iuèrn dera Val d’Aran serà presentada enes hèires toristiques de Londres e París, tanben enes Païsi Nordics e en d’autes ciutats franceses. Ath delà, se haràn diferentes presentacions de Torisme Val d’Aran e Baqueira Beret enes principaus caps-lòcs espanhòus e catalans.
Laura Rodríguez