Er Ajuntament de Vielha e Mijaran non crubarà as bars e restaurants era taxa d’aucupacion des terrasses ena via publica enquiara fin d’aguest 2020. 

Ua mesura aprovada per miei d’un decrèt d’alcaldia que preten dar supòrt ath sector dera ostalaria e restauracion ath temps que s’apòste pera reactivacion economica deth municipi. 

Se calcule qu’ath torn deth 50% des establiments de Vielha an dubèrt es sues pòrtes des der inici dera desescalada. Ua chifra que se demore que vage en augment damb eth pas des dies. 

Eth sector des servicis ei eth gran motor economic de Vielha e Mijaran, e tanben de tota era Val. 

Aguesta suspension dera dejà coneishuda coma taxa des terrasses supausarà un petit aleugeriment fiscau entàs bars e restaurants de Vielha. 

En parallel, des der Ajuntament deth caplòc dera Val d’Aran auancen que tanben se trebalhe en d’autes accions d’ajuda dirigides a d’auti grèmis deth sector des servicis.