Bona afluéncia de gent en Baqueira/Beret en çò qu’a estat era prumèra dimenjada de lheuament deth confinament comarcau, a on era gent dera rèsta de Catalonha a pogut desplaçar-se pera comunitat autonòma.

Non s’an produsit massificacions, mès òc qu’ère notable er aument d’esquiaires ena estacion aranesa, que non an dobtat en hèr ua visita ara nhèu dempús de mès de dus mesi sense poder hè’c.

Baqueira/Beret aumentèc era setmana passada eth sòn domeni esquiable, en tot daurir parciauments eth sector de Bonaigua e aufrir un totau de 54 quilomètres esquiables.

Ath delà, era estacion informe de que depenent des condicions climatologiques e dera evolucion dera pandèmia, se poderie daurir mès domeni esquiable de cara ara Setmana Santa.

Fin finau, eth dia de barrament de sason  previst en Baqueira ei eth deluns 5 d’abriu.