Eth Conselh Generau d’Aran e Foment Torisme Val d’Aran dejà an presentat era Memòria dera activitat toristica ena Val d’Aran der an 2018. S’ha hèt ena tresaua edicion dera Net deth Torisme dera Val de Aran, celebrada en Otèl Aran La Abuela de Vielha.

Aguest eveniment comencèc damb era presentacion per part dera conselhèra de Torisme e Desvolopament Economic, Anna Díaz, qu’expliquèc es principaus accions desvolopades en 2018.

Era memòria arremasse que pendent er an 2018 i auec un milion de pernoctacions toristiques en país. Ath delà, eth 26% des visitants dera Val d’Aran en darrèr an siguèren estrangèrs.

En aguesta tresaua net deth torisme dera Val d’Aran tanben i siguec present eth Director executiu dera Agència Catalana de Torisme, Patrick Torrent.