Eth municipi de Naut Aran a tornat a arténher un an mès un gran reconeishement respècte eth suenh des sòns entorns e espacis verdi laguens des sues poblacions. S’an autrejat un viatge mès es certificacions per part de Viles Florides e aguest parçan a assolidat es sòns resultats obtengudi est an passat.

En aguest sens, Bagergue torne a èster eth maximom exponent d’aguesta distincion, en tot compdar damb 4 flors des 5 as que se pòt aspirar. Cau destacar que non i a cap de pòble en tota Catalonha e Andòrra que compde damb 5 flors, per çò que Bagergue compartís era prumèra posicion damb d’auti emplaçaments toristics de naut nivèu.

Mès endarrèr, damb tres flors, trapam es poblacions de Salardú-Baqueira, Arties, Garòs, Tredòs e Unha. Gessa ei era darrèra poblacion en Naut Aran damb dues flors. Tanben mencion especiau entara poblacion de Vielha e Mijaran, Vilac, qu’a artenhut dues flors.

Era certificacion de Viles Florides ei un reconeishement que de cada viatge apròpe a mès visitaires interessadi enes endrets que suenhen es paisatge e era ornamentacion florau,