Eth Plen der Ajuntament de Naut Aran a aprovat iniciaument  damb es vòts a favor dera equipa de govèrn de Convergéncia Aranesa e es abstencions d’Unitat d’Aran e d’Aran Amassa eth pressupòst mès naut de tota era istòria damb un totau de 9.450.000 € que supause un creishement d’un 6% respècte est an passat.

Entre es ahèrs mès destacadi d’aguest increment se reflèxe eth renauïment deth consultòri d’Arties (260.000€, es quaus 250.000€ son per subvencion), se caperarà era pista de padel d’Arties (111.000€), era reforma deth carrèr Sant Martí d’Unha (120.000€) damb eth plaçament de contadors tàs dipòsits, milhorar era ttrauèssa de Salardú (30.000€) e calefactar eth camin de Pujò (125.000€). 

Ath delà, d’autes actuacions previstes en 2024 que s’executaràn ath long d’aguest 2025 son es d’abitatge.

Eth canon de Baqueira s’a plaçat enes 2.000.000 d’èuros en tot réber enguan 2.300.000 `€ per part deth complèx pr’amor dera bona sason qu’an auut.