Er Ajuntament de Bossòst lançarà eth servici de comunicacion d’incidéncies a trauès dera app Linha Verda, qu’aurà disponibilitat a compdar deth dimèrcles 13 de noveme. Gràcies ad aguest esturment, es vesins poderàn comunicar incidéncies en municipi de forma rapida e dirècta des des sòns telefòns.

Entà conéisher toti es detalhs, vos convidam a ua amassada informativa dubèrta a tot eth public eth madeish dimèrcles 13 de noveme tàs 19:00 ores. Vene a conéisher coma poderàs hèr a servir aguesta naua aplicacion!

Coma foncionarà? Solet auràs de descargar era app en Google Play o App Store, seleccionar “Naua Incidéncia” e enviar ua fòto deth problèma. Er Ajuntament s’encargarà de gestionar-la! 

Ath delà, poderatz arrecéber comunicacions der Ajuntament e informacion sus es punts d’interès en Bossòst.

Descarrega era app e junh-te ad aguesta iniciatiua entà melhorar eth nòste municipi.

HÒNT: AJUNTAMENT DE BOSSÒST