Era enterpresa aranesa tecnologica Lueira, damb sedença ena Val d’Aran, a assistit pendent era jornada d’ager e aué entath Mobile World Congress de Barcelona que se desvolope ena Fira de Barcelona.

Eth prètzhèt principau ei eth de dar a conéisher es funcionalitats qu’apòrte Lueira coma plataforma 360 que digitalize, connècte e ven online damb un sistèma qu’implementen damb eth que se’n pòt beneficiar un empresari per exemple ena facturacion, pagaments online, gestion de resèrves o contròls d’oraris e d’assiténcia.

Ath delà un aute des objectius ei eth de poder assistir a ua hèira tant potenta a nivèu internacionau tà bastir naues sinérgies damb d’autes enterpreses.

Eth Mobile World Congress amasse a mès de 2.700 expositors, 50 des quaus son deth panoramau estatau. Aguesta hèira ei considerada era mès importanta a nivèu internacionau e ei d’abituda que se hèsquen granes presentacions que cambien eth mon tecnologic.