Torisme
GuidAran includís naues locucions sus es principaus punts d’interès des pòbles dera Val d’Aran
05/04/2024
Era app de promocion toristica deth Conselh Generau d’Aran incorpòre ara mès de 140 naues locucions qu’expliquen es punts d’interès des pòbles aranesi, en tot apropar atau as visitants era realitat deth nòste territòri e era identitat des nòsti pòbles
Eth departament de Torisme deth govèrn d’Aran a implementat ua naua utilitat dera app GuidAran, a on a compdar d’ara se pòden escotar dejà mès de 140 locucions relatives a diuèrsi punts d’interès des pòbles dera Val d’Aran.
HÒNT: CONSELH GENERAU D'ARAN
“A trauès dera app GuidAran volem aufrir as nòsti visitants informacion generau dera Val d’Aran, mès tanben apropar-les ara realitat deth nòste territòri, dera nòsta cultura e dera identitat des nòsti pòbles”, asseguraue eth conselhèr de Torisme, Josep Canut.
Era app deth Conselh Generau d’Aran entara promocion toristica, GuidAran, permet as usatgèrs conéisher en detalh era Val d’Aran e accedir de manèra facil e intuitiva a tota era informacion sus es punts d’interès naturau e culturau, musèus, auviatge, rotes de senderisme e ciclisme, entre d’autes foncionalitats.
Aguest projècte ei enmarcat en Plan de Sostenibilitat Toristica dera Val d’Aran.
HÒNT: CONSELH GENERAU D'ARAN
Manu Moga