Era Val d’Aran registre ues tanplan bones donades de visitaires ath long deth mes de junhsèga gràcies ath gran volum d’eveniments esportius damb es qu’a compdat eth territòri pendent aguestes setmanes.

Enes inicis deth mes de junhsèga, era HOKA Val d’Aran by UTMB hèc acte de preséncia damb un record de participacion pr’amor qu’ath torn de 6.000 corredors preneren part des diuèrses gessudes que s’amièren a tèrme damb es sues respectives familhes en tot deishar a Aran damb lèu un 100% d’ocupacion. 

Ua setmana mès tard ère temps entara tanben corsa de montanha Trail Vielha Molières damb 3.000 sojorns e ua repercusion economica de mès de 200.000 èuros.

Aguest passat fin de setmana, s’a acabat era prumèra fasa de competicions damb era Vielha Cycling Tour a on 800 participaires preneren tanben era gessuda d’aguesta pròva ciclista non competitiva.

Es chifres pendent aguest mes de junhsèga son tanplan bones e ara era Val d’Aran aurà era sua part de sason mès fòrta damb era arribada deth mes d’agost.