Des der Ajuntament de Bossòst arregraïssen prigondaments ath Plan d’òbres e Servicis de Catalonha (PUOSC) peth sòn indispensable finançament e es recomanacions tecniques qu’an estat cruciaus en aguest projècte, atau coma ara Deputacion de Lhèida peth sòn supòrt financèr. Ath delà, destacar qu’er ajuntament a contribuït damb hons pròpris, en tot reafirmar eth compromís damb eth desvolopament e benéster de Bossòst.


Aguest projècte, s’aprovèc en 2019, en 2022 se demanèc ampliacion entara ejecucion e que quedèc desèrt en mai de 2023, a vist ua revitalizacion gràcies a un dialòg constant e constructiu damb eth PUOSC, çò qu’ a permetut ua gestion eficaça. Aguest esfòrç conjunt a estat clau entà auançar eth projècte damb celeritat e eficiéncia.


Totun, ère cruciau realizar aguestes òbres entà garantir era seguretat de toti, en tot renauïr infrastructures critiques coma es subministraments d’aigua e en tot melhorar eth deteriorament des paviments que representauen un perilh reau.