Era enterpresa de distribucion alimentària dera Val d’Aran GAES, a amiat a tèrme ua trobada entre eth sector dera ostalaria deth territòri autant coma proveïdors de diuèrsi punts der Estat Espanhòl tà poder mostrar es productes que poderien consumir es clients des diuèrsi restaurants e hotèls aranesi pendent era pròplèu sason d’iuèrn.

En acte, amiat a tèrme en Parador Nacionau d’Arties, assitiren mès de 200 restauradors e d’auti convidats dera societat aranesa entà ua mòstra gastronomica ena que se podie apreciar tot tipe de producte: des de mès tipics coma eth camalhon, hormatge o plats codinats, enquia d’auti mès nauedosi coma per exemple, trufes, o microbròts.

Un aute des objectius ei eth de dar a conéisher era Val d’Aran ad aguesti proveïdors.

Eth sector dera ostalaria en generau a arregraït aguest eveniment e consideren que calerie hèr-ne mès d’aguest estil tara promocion intèrna d’Aran.