Eth Coronavirus non arture era arribada des Reis Mags en Aran

05/01/2021

Eth Coronavirus non a pogut emportar-se per dauant era arribada des Reis Mags d’Orient. Enguan per qüestions sanitàries, es tradicionaus cavaucades s’an substituït per d’auti formats. 

En pòble de Bossòst, es Reis an arribat ar Ajuntament, e an hèt un discors qu’a estat gravat en dirècte a trauèrs de hilats sociaus entà toti es abitants deth pòble. Bèri uns estauen preocupadi per se’s Reis tanben auien de complir damb eth confinament nocturn.

Çò que s'a destacat en discors a estat er excellent comportament des mainatges en aguest an tan complicat mercat peth Coronavirus. 

Es Reis d’Orient an comunicat qu’an arrecebut totes es cartes des mainatges, e que dejà an toti es presents prèsti entà repartir-les pera net.

Ua situacion qu’entada eri tanpòc a estat bric facila, per exemple, enguan non an pogut compdar damb era companhia des sòns patges, pr’amor que segontes mos an dit se trapen en ERTE. 

E çò que mès les a costat ei deishar de dar es abraçades que tostemp an dat as mainatges en aguest dia tan especiau. 

Laura Rodríguez