Torisme
Es Agents de Miei Ambient deth Conselh Generau d’Aran hèn eth seguiment d’un atac d’os a un sanglièr en Baish Aran
04/03/2024
Es agents de Miei Ambient deth Conselh Generau d’Aran s’an desplaçat enquiara zòna a on an trapat ath sanglièr a miei consumir. An remassat mòstres biologiques der os atau coma deth sanglièr
Era passada dimenjada, uns vesins dera Val d’Aran en tot circular de net per ua carretèra segondària deth Baish Aran poderen veir e grabar coma un os joen atacaue a un sanglièr ena madeisha carretèra enquia dar-li mòrt e consumir-lo en madeish costat dera via.
Es agents de Miei Ambient deth Conselh Generau d’Aran s’an desplaçat enquiara zòna e an trapat ath sanglièr a miei consumir. An remassat mòstres biologiques der os atau coma deth sanglier entath sòn analisi científic.
Damb es mòstres remassades der os se realizarà era identificacion genetica d’aguest, ara fin d’endonviar de quin individu se tracte.
HÒNT: CONSELH GENERAU D'ARAN
HÒNT: CONSELH GENERAU D'ARAN
Manu Moga