Era Senadora d’ERC, Sara Bailac, a presentat ua mocion entath manteniment der arriu Garona, entath sòn debat ena Comission de Transicion ecologica e rèpte demografic. Tanben a hèt ua pregunta ara Ministra responsabla, qu’actuaument dejà non ei Teresa Ribèra senon qu’ei Sara Aagesen.

ERC demane que s’inste ara Confederacion Idrografica der Ebre a que hèsque eth mantieniment der arriu Garona, retire es arbes queiguts e hèsque era neteja de besonh. Ua accion que dejà s’a reclamat des der Ajuntament de Vielha e Mijaran a demana deth grop d’Aran Amassa.

Cau rebrembar qu’en Aran es increments deth caudau der arriu a provocat de forma periodica aigüats. Entre eri, es ans 1963, 1982 e eth mès recent de toti, en 2013 a on s’auec d’evacuar a mès de 400 persones.

Tanben se sollcite qu’era Confederacion Idrografica der Èbre (CHE) elabòre un Plan de mantieniment e milhora des bòsqui de ribèra dera Val d’Aran entà previer inondacions.