Era Sindica d’Aran, Maria Vergés, a compareishut en Parlament de Catalonha aguest meddia en tot coincidir damb era sua compareishença annau atau coma mandate era Lei d’Aran. En sòn discurs, a destacat es ahèrs que s’an impulsat des deth territòri recentaments, coma per exemple era distincion de territòri Biosfèra, projèctes estataus coma eth Ovihuec, BoscAran o d’auti vinculadi ara emprenedoria aranesa que se hèn mejançant er Hèpic, un hub d’innovacion.

Ua des qüestions mès subergessentes a estat eth besonh de negociar un nau finançament que potenciar er autogovèrn aranés damb fòrça mès competéncies sustot enes matèries d’abitatge o lengua. Era Sindica a estat interpelada per toti es grops Parlamentaris en faristòl en tot estier ara man ath govèrn d’Aran tà aufrir eth sòn supòrt. Era Sindica a demanat un viatge mès tornar a auer representacion dirècta des d’Aran en Parlament de Catalonha damb un deputat aranès.

Un des anoncis mès representatius dera jornada a estat qu’era comission Bilaterau qu’amassarà a Generalitat e Conselh ac harà abans de qu’acabe aguest 2024.