Era darrèra capsula formatiua deth CEI: era excelléncia ena atencion ath client

24/10/2018

Eth Centre d’Empreses innovadores dera Val d’Aran, plaçat en Casau, organizèc ua naua capsula formatiua sus atencion ath client. Ua assignatura a viatges pendent en bèri establiments. En aguest curs, dirigit as persones vinculades damb eth mon empresariau e deth negòci, s’i tractèren diuèrses tematiques.

A mesura qu'era competéncia ei cada viatge major e es productes aufridi en mercat son mès variadi, es consumidors se tornen mès exigenti. Eri ja non sonque cerquen qualitat e boni prètzi, senon tanben un bon servici ath client.

Ath delà, era Val d’Aran ei ua des comarques de Lhèida a on mès empreses de servicis e productes i a de forma proporcionau damb era populacion. Un hèt que multiplique eth besonh d’arténher era excelléncia ena atencion ath client. En aguesta linha, eth perfil des interessadi en aguesta formacion ei plan variat.

Entà potenciar er aspècte foncionau deth cors, s’a volut balhar protagonisme ara part practica deth talhèr, en tot escotar es diuèrses experiéncies des assistents e crear atau un clima de dialòg e debat entre toti.

Cau arrebrembar qu'es capsules formatiues que s'impartissen en eth CEI Val d’Aran de Casau, son organizades peth madeish CEI e peth Conselh Generau d’Aran en collaboracion damb era Deputacion de Lhèida e GlobaLleida.

Ath delà, toti es corsi que s’i impartissen en CEI son de franc.

Laura Rodríguez