Er Ajuntament de Bossòst pressione entà arténher un cabau ecologic minim entara Garona

08/10/2020

Son imatges que hè ans que se repetissen, sustot pendent es sasons d’ostiu e iuèrn. Eth cabau der arriu Garona, jos minims. Er impacte visuau ei espaciauments agonic enes zònes a on era Garona ei mès ampla, coma en sòn pas peth pòble de Bossòst.

E çò de pejor son es efèctes negatius ena fauna der arriu e ena imatge deth pòble que dèishe endarrèr era pòga quantitat d’aigua que cor pera Garona.

Ei per açò qu’er Ajuntament de Bossòst a volut mobilizar-se en ahèr e a enviat ua quèisha formau ara Confederacion Idrografica der Ebre, er organisme competent en çò que tanh ara Garona. 

Pera sua banda, era responsa per part dera Confederacion Idrografica der Ebre non s’a hèt a demorar.

Era Garona ei era casa d’especies animaus endemiques coma ei eth cas deth cabilat. Er objectiu, ei presevar era fauna sauvatja der arriu, atau coma era vegetacion dera sua ribèra, ath delà de milhorar era imatge toristica deth municipi. 

Laura Rodríguez