Dejà se trape operatiu eth nau parcatge d'autocaravanes deth pòble de Vielha, plaçat en Mijaran. 

Aguest nau equipament, damb capacitat tà mès de 30 veïculs, respon ath besonh d’un sector toristic que cada còp compde damb mès adeptes en nòste parçan. 

Eth parcatge, qu’ei amiat a tèrme pera enterpresa Cargolh Camper SL damb ua inversion finau ath tor des 100.000€, ei frut deth loguèr d’aguesti terrens, proprietat der ajuntament de Vielha e Mijaran, per un periòde de 25 ans.

Segontes eth baile de Vielha e Mijaran, Juan Antonio Serrano, “eth nòste municipi ei pionèr en bastiment de parcatges tà caravanes ena Val d’Aran, qu’ei un airau damb fòrça preséncia en nòste parçan”.

Per tant, damb aguest nau parcatge, Vielha e Mijaran aufrís ua solucion a ua problematica qu’ei comuna en Euròpa. Un nau equipament de besonh entath municipi e damb ua inversion que non a compdat damb cap tipe de despena per part des ciutadans.

IMATGE: Val d'Aran Camper Park