Er Ajuntament de Bossòst a aprovat en un plen extraordinari, ua Declaracion Institucionau a favor d’un espaci comun transtermierèr, dauant es mesures restrictives sus eth confinament perimetrau de Catalonha. Un document en que autant era equipa de govèrn coma era oposicion an votat a favor. 

Es mesures actuaus, arrebrembam, afècten ara mobilitat entre andús costats dera termièra, en tot empdedir eth pas entre païsi se non ei per causa justificada. Quauquarren que, per tant, afècte d’ua forma especiau ara economia de Baish Aran, tradicionauments transtermierèra.  

En parallel, eth plen municipau de Bossòst demane tanben as administracions ua linha especifica d’ajuts dirèctes as negòcis perjudicadi pera pèrta d’activitat en rason dera manca de clients provenents de França.