Arties apòste fòrt ena naua edicion de Viles Florides

11/09/2019

Arties ei un des pòbles dera Val d’Aran de visita obligada entà toti es toristes gràcies as grani tresaurs patrimoniaus e istorics que possedís. Mès, des de hè uns ans, ad aguesti atractius se li a de somar eth des flors, uns elements que dejà aucupen toti es cornèrs deth municipi. 

E ei qu'Arties a tornat a presentar candidatura entath concors de Viles Florides.

Est an passat obtenguec era dusau milhor puntuacion autrejada en certamen: 3 flors d'aunor.

Des der Ajuntament an clar que vòlen contunhar en tot trabalhar en aguest projècte.

Non cau desbrembar qu'era participacion en Viles Florides non serie possibla sense es vesins e vesies d'Arties. Son eri qui damb esfòrç e illusion collabòren tant a nivèu particular coma a nivèu comun, en tot decorar es sòns abitatges e tanben es carrèrs.

E tot aguest efòrç repercutís positiuaments ena localitat, pr’amor qu’er encant des flors atrè cada viatge a mès visitants

Ara calerà demorar enquiath diuendres 27 de seteme, que serà eth dia de liurament des Flors d'Aunor 2019, en un acte que se celebrarà en Lloret de Mar.

Laura Rodríguez