Se es condicions meteorologiques ac permeten, era poblacion de Canejan tornarà a víuer un an mès era sua tradicionau tarde-net de barbacans. Enguan se complissen 20 ans dera recuperacion d’aguesta hèsta d’origen pagana que s’auec de suspéner en epòca de pòstguèrra e que se recuperèc en an 2004.

Segontes es previsions, deman ena Val d’Aran i a ua grana probabilitat de ploja en còtes mejanament baishes e nhèu a compdar des 1000 mètres apruprètz, ua situacion que poderie dificultar fòrça era realizacion d’aguest eveniment culturau.

Des dera organizacion an avisat dejà a trauès des hilats sociaus entà alertar ara poblacion qu’ei possible qu’aguest acte s’age de suspéner esquiar an que ven.

Entàs barbacans deCanejan i acodís gent de tota era Val d’Aran, autant coma persones vengudes de dehòra deth territòri pr’amor qu’ei un des eveniments mès espectaculars que se pòden trapar ena primauera en casa nòsta.