Aprovat er Inventari de Bens en darrèr Plen der Ajuntament de Vielha e Mijaran

29/01/2020

Eth prumèr Plen ordinari deth nau an der Ajuntament de vielha e Mijaran a dat compde der Inventari de Béns deth consistòri, en tot declarar es nautes e baishes ath respècte. DEstaque, atau, er acòrd der Ajuntament damb CaixaBank entath loguèr deth locau dera actuau Sala d'Exposicions municipaus.

Aguest espaci se logue per un periòde de 20 ans enes que s’ingresaràn uns 600.000€.

Ath delà, un aute des elements en çò que tanh as accions patrimoniaus der Ajuntament, ei era cession dera bastissa de Çò de Saforcada ath Conselh Generau d’Aran. 

Toti es punts an estat aprovadi per unanimitat e non s’a presentat cap ahèr d’urgéncia.

Fin finau, paraules de solidaritat en Plen per toti es afectadi peth temporau “Glòria”, damb grèus conseqüéncies en bona part de Catalonha.

Laura Rodríguez