Ath torn des 11 deth maitin s’a recebut ena Sala de Contròl d’Aran, plaçat en Centre de Innovacion e Empresa de Casau, un avís per ua persona que s’aurie precipitat d’uns 30-40 mètres de nautor en parçan dera Soala de Casteràs, en municipi de Bossòst.

Enquiath lòc des hèts s’an desplaçat sèt membres deth grop de Pompièrs e Emergéncies, qu’en arribar s’an trapat ar accidentat damb politraumatismes grèus. Ath delà d’aguestes dotacions, tanben a intervengut er elicoptèr de bombers deth Grop de Rescat de Montanha e toti dus amassa an assistit de forma medicau ath pacient se l’a evacuat enquia ua zòna segura pr’amor qu’eth terrenh ei fòrça arriben e non permetís actuar de forma apropiada.

En aguest sens, s’a trasladar enquiath camp de fotbòl dera Union Esportiva Bossòst a on se l’a estabilizat  des grèus lesions que presentaue e damb un elicoptèr medicalizat deth SEM a estat trasladat a un espitau de naut nivèu.

Se desconeishen es causes der incident en ua jornada damb bona climatologia e damb ua visibilitat perfècta.