Aguest maitin auem recebut era visita deth Vicepresident 3au dera Deputacion de Lleida Juan Antonio Serrano Iglesias, damb qui auem visitat diuèrses òbres que s'amien a tèrme en municipi damb eth supòrt e financiacion dera Deputacion.

Entre d'auti endrets, auem visitat eth cementèri de Les, entà veir de prumèra man es auanci des trabalhs d'acondicionament encetats entara sua adecuacion e dignificacion, e que se realizen gràcies a ua subvencion dera Deputacion de Lleida a traués deth Plan de Salut.


Tanben auem visitat es installacions des Termas Baronía de Les, pr'amor dera relevància d'aguest actiu tath nòste municipi e dera sua vinculacion damb era Associacion Viles Termals de Catalunya, dera qué er Ajuntament de Les n'ei membre fondador. Auem destacat era importància de trabalhar amassa damb eth Patronat de Torisme dera Deputacion de Lleida entar impuls e promocion toristica des Viles Termaus.


HÒNT: AJUNTAMENT DE LES