Era setmana des barbuts ei aciu. Era qu’ei considerada era setmana mès heireda der an a arribat ena Val d’Aran e es temperatures mòstren ua clara descenuda pendent aguesti dies. A despitet qu’eth solei serà predominant e present ena Val, es termomètres se plaçaràn en minimes de -7 damb maximales tanplan baishes.

Totun, aguest heired ei tan plan d’abituda en casa nòsta pr’amor qu’en Pirenèu es temperatures per dejós de 0 grads son fòrça soents ath long de totes es sasons d’iuèrn. 

En linhes generaus, aguesti idus darrèrs mesi an estat fòrça abondius en çò qu’a a veir damb era nhèu e damb ua temperatura heireda qu’a permetut de mantier ben aguest fenomèn.

Eth servici meteorologic de Catalonha, eth Meteocat, informèc as vesins de Catalonha sus alerta iranja e auriòla per heired. Ua situacion qu’afectarie en menor mesura ara Val maugrat auer temperatures mès baishes qu’era rèsta de territòri.