Eth baile der Ajuntament de Vielha e Mijaran, Juan Antonio SErrano, parle de clar abandonament as vesins dera zòna der Alt Pirenèu e Aran dempús deth talh que se produsic enes hèstes de Nadau e que deishec incomunicat a miei Pirenèu pendent es jornades deth 29 e 30 de deseme pr’amor d’un accident ena fibra en Tremp.

Avalòre positivaments era trobada que mantie eth govèrn damb es diuèrsi agents de telefona a nivèu estatau, totun demane que d’aguesta amassada hi gesquen solucions eficientes e que certament agen ua milhora ena vida de totes es persones que residissen en aguesti entorns de nauta montanha

Aguest darrèr talh succedit pendent era epòca de maximala afluéncia toristica en territòri en tot perjudicar un gran numerò de comèrci e sector d’ostalaria que non podien crubar es sòns clients damb targeta e perdèren fòrça vendes.