Pendent aguesti dies se desvolope ena Val d’Aran era prumèra edicion deth Catalunya Rural Hub Aran. Aguest projècte cerque mostrar era possibilitat qu’en territòri se pòden impulsar enterpreses e se pòt fomentar eth teletrabalh entà dinamizar mès era Val en sector tecnologic.

En aguesta escadença, 10 participaires vengudi de diuèrsi punts de Catalonha se trapen actuauments en espaci de coworking abilitat peth Conselh Generau d’Aran a on pòden amiar endauant es sòns projèctes pendent es pròplèu 15 dies.

Aran vò esdevier un emplaçament referent tà potenciar eth hilat empresariau e tecnologic e en pògues setmanes i aurà un eveniment vinculat ara ciberseguretat damb ponents prestigiosi deth sector.