Societat
Record de forfaits venudi en Baqueira Beret
1.055.041 ei era chifra ara que s'a arribat enguan
Valoracion molt positiua per part dera estacion d’esquí de Baqueira Beret respècte eth nombre d’esquiaires que s’an apropat ath complèx pendent aguesta sason 2023/2024. Enguan, Baqueira a tornat a trincar un viatge mès eth sòn particular record de forfaits venudi en tot plaçar-se en 1.055.041.
Aguesti excellents resultats son frut d’un an en qu’es condicions meteorologiques an estat tanplan cambiantes, totun, es nheuades an arribat de forma continua ena estacion per çò que Baqueira a estat des pògui emplaçaments qu’a pogut garantir tostemp gruishi de nhèu de qualitat en tota Espanha.
Especiaument bon a estat eth mes de gèr, que d’abituda ère un des mès hloishi de tot er an, gràcies en part ara gran nheuada queiguda ena net de Reis d’enguan.
Er an que ven, Baqueira Beret complirà 60 ans des dera sua dubertura e afirmen qu’eth sòn prètzhèt ei eth de mantier aguestes bones donades