Reconeishement deth COE as olimpics aranesi

02/02/2018

Pendent era visita deth Comitat Olimpic Espanhòu ara Val d’Aran s’aprofitèc, ath delà d’entà conéisher a futures promeses des espòrts d’iuèrn, entà reconéisher era trajectòria des qui un dia representèren eth sòn pais enes Olimpiades.

Son sies es esportistes aranesi qu’an participat, des d’Oslo 1952 enquia Sochi 2014, enes Olimpiades, e encara qu’eth temps e es condicions son totauments diferents, es sensacions son fòrça semblants.

Encara qu’ei cèrt que a pòc a veir er esquí que se practicaue es prumèrs ans en Baqueira damb eth d’aué dia, coma expliquen es mès veterans.

Deuant aguest prèmi ara sua carrèra esportiua, toti es presents (degut as entrenaments, Alex Puente non podèc èster present e era sua familha remassèc eth reconeishement en sòn nòm) mostrèren fòrça emocion e arregraïment.

Andrés Ribera, Rafael Mombiedro, José Moga, Eva Moga, Xavi Ubeira e Alex Puente son es prumèrs representants aranesi enes Olimpiades, mès gràcies ara gran dedicacion deth territòri as espòrts d’iuèrn, de ben segur que non seràn es darrèri.

Clara Villar