Prumèra nheuada dera sason ena Val d’Aran. Encara que se demoraue qu’es precipitacions podien arribar ath long dera jornada d’ager, es floquets de nhèu s’an ajornat enquia aguesta maitiada a on era preséncia d’aguest fenoment associat ar iuèrn s’a pogut veir a compdar de còtes d’ath torn des 2.000 mètres tà naut.

Era nheuada qu’a estat notificada peth complèx de bon maitin, a aufrit vistes espectaculars damb era montanha e especiaument es sòns cims pintadi de color blanc, ua situacion que non se vedie des deth darrèr mes de mai, moment en que se produsic era darrèra precipitacion en forma de nhèu.

Era fòrta descenuda des temperatures des darrèri dies combinat es ploges a 0 grads a permetut era aparicion des petites nheuades en casa nòsta.

Era tendéncia indique que, per ara, era nhèu non tornarà a hèr acte de preséncia a cuèrt tèrme pr’amor que i aurà ua petita treva anticiclonica damb temperatures minimes de 5 grads enquia un maximom de 20 grads que segurament harà que se’n vage aguesta petita capa queiguda enes darrères ores.

Baqueira Beret a compartit videòs e imatges a trauès des sòns hilats sociaus.