Dejà a arribat era prumèra nheuada dera tempsada ara Val d'Aran.

Ua nhèu que comencèc a quèir dissabte dia 27, ena còta 2.200m e qu’anèc baishant enquias 1.200 damb eth pas des ores, acumulacions de 20 a 30 cm enes còtes mès elevades.

Dimenge, precipitacions fèbles e intermitents damb ua còta de nhèu ath torn des 600 mètres des de prumèra ora e prevision d’acumulacions d’entre 10 e 15 cm en còta 2.500.

Tàs pròplèus dies, es previsions deth servici de meteorologia Meteo Aran, apunten a cèus caperats mès sense precipitacions significatiues e temperatures encara mès baishes qu’es jornades anteriors entre es -3 e es 5 grads.

Per ara, ei obligatòri er emplec des shènes en Pòrt de la Bonaigua.

Important auer en compde era seguretat viau pendent aguesti prumèri dies de nhèu, que dejà mèrquen er inici dera sason d’iuèrn.