Er Ajuntament de Naut Aran a metut a subasta tres parcèles en Bagergue d’ath torn de 300 mètres tà bastir viuendes unifamilhares. Des deth consistòri s’explique que damb aqueres dimensions ei impossible destinar es espacis a loguèr assequible, ne tanpòc a lheuar-les de zèro pr’amor qu’eth còst serie d’ath torn de 900.000 èuros per viuenda e non ac pòden assomir.

Ei per aquerò que la trèn aué dia a subasta, damb prètzi de gessuda de  257.000, 265.000 e 287.000 èuros. Naut Aran considère qu’ei un bon moment tà véner aquestes finques pr’amor qu’es prètzi actuauments se trapen nauti.

Es sòs d’aguesta venda se destinarien ath futur bastiment deth Centre Civic e Sociau que recentaments a vist que s’a aprovat era licitacion entara direccion d’òbra e projècte executiu.