Naues neishences d'animaus en parc de fauna sauvatja Aran Park

25/06/2019

Eth parc de fauna sauvatja Aran Park, plaçat en eth Portilhon, en Bossòst, comence era tempsada d’ostiu damb era arribada de naues neishences d'animaus

D’aguesta forma, Aran Park, que dejà dauric es sues pòrtes ath public en passat mes d’abriu, camparà coma crèish eth numerò d’exemplars en parc e, ath delà, coma aumente eth sòn atractiu gràcies ad aguesti naui petitonhs que dejà corretejen per espaci.

Quan se detècte qu’es femelhes d’Aran Park se queden en estat, se met en marcha un protocòl entà survelhar qu’eth procés se desvolòpe damb totau normalitat e non i age cap de problematica.

En parc de fauna sauvatge dera Val d’Aran se compde damb 15 espècies que somen un totau de 120 exemplars.

Era màger part des individus d’Aran Park son autoctons.

En çò que tanh ar orari de visites d’Aran Park, pendent junh se daurís des des 9.30 deth maitin enquiàs 6 dera tarde. En junhsèga e en agost er orari s’ampliarà ua ora mès, en tot daurir tàs 9.30 deth maitin e en tot barrar tàs 7 dera tarde.

Laura Rodríguez