Jornada deth Centre de Prediccion de Lauegi damb es escòles de Les e Bossòst

01/02/2019

Es mainatges e mainades des escòles Sant Ròc deBossòst e Escòla Estúdi Alejandro Casona de Les an participat ena jornada sus coneishença e prevencion de perilh de lauegi organizada amassa damb eth Centre de Prediccion de Lauegi deth Conselh Generau d’Aran e era estacion d'esquí Baqueira Beret en Plan de Beret, entà aquerir sus eth terren coneishences basiques sus es lauegi, atau coma mesures de prevencion e seguretat entà desvolopar-se ena nhèu.

Aguest ei eth tresau an qu'era equipa deth Centre de Prediccion de Lauegi amie a tèrme aguesta iniciatiua conjunta damb es escòles dera Val d’Aran.

Est an passat sigueren es escolans des escòles ZER Val d’Aran, era Escòla Loseron d'Arties, era Escòla Ruda de Salardú e era Escòla San Martí de Gessa en Naut Aran e era Escòla Casteth Leon d'Es Bòrdes, es quaus realizèren era practica.

Laura Rodríguez