Era Val d’Aran compde dejà damb eth sòn prumèr granimètre, un esturment que mesure eth nombre de grani de pèira o de calamarsa queigudi en ua estenduda e periòde determinadi.

Aguest granimètre a estat plaçat pera Agrupacion de Defensa Vegetau de Terres de Ponent, en pòble de Bossòst, mès concretaments ena zòna esportiua dera localitat.

Se demore, ath delà, era installacion de dus mès en d’auti punts deth parçan.

Aguesti supòrts metallics permeten determinar damb precision paramètres fisics coma eth diàmetre des pèires e era quantitat de pèira queiguda. Factors que determinen era intensitat deth fenomen meterologic des zònes afectades.

Un tecnic se n’encuedarà de susvelhar aguest granimètre e reemplaçar-lo quan sigue de besonh.