Eth Patronat de Promocion Economica visite eth CEI dera Val d’Aran

05/02/2020

Representants deth Patronat de Promocion Economica dera Deputacion (Promeco), dirigidi peth deputat responsable, Carles Gibert, s’an amassat en Cente d’Enterpreses Innovadores (CEI) de Casau, damb còssos e còsses e conselhèrs e conselhères de Promocion Economica de municipis dera Alta Ribagòrça e d’Aran, acompanhadi dera presidenta deth Conselh Comarcau dera Alta Ribagòrça, Maria José Erta.

Carles Gibert, deputat responsable der airau, a explicat qu'aguestes reünions se hèn damb era intencion de hèr a conéisher era institucion e detectar es besonhs en aguest encastre enes comarques de Lhèida. Era pròplèu reünion ei prevista entath dijaus dia 6 de hereuèr enes installacions deth CEI Balaguer, e i son convocadi còssos e còsses, conselhèrs e conselhères dera Segarra e era Noguera.

Gibert a estat acompanhat peth director deth Patronat, Ramon Boixadera; era assessora pera Innovacion e era Promocion Economica, Teresa Botargues, e era tecniciana, Marisa Otal.

HÒNT: DEPUTACION DE LHÈIDA
Laura Rodríguez