Dempús dera demana generau der alumnat aranés dera Escòla Oficiau d’Idiomes, fin finau eth nivèu C1 d’anglès arribe ara Val entad aguest curs 2020/2021.

En parallel, era aufèrta formatiua dera EOI en Vielha se completarà damb eth nivèu B1 e damb eth B2.1. Satisfaccion, per tant, entre es alumnes, que guarden coma eth nivèu auançat atèrre en Aran.

Es classes entàs nivèus B1 e B2.1 seràn presenciaus, e entath nivèu C1 s’a previst ua modalitat semipresenciau. Eth lòc on s’amiaràn a tèrme es leçons ei era Escòla d’Adults de Vielha. 

Coma nauetat, subergés era possibilitat d’enguan entà inscriuer-se en un nivèu superat hè mès de dus ans. Ua bona opcion entad aqueri que volguen refrescar es coneishements aqueridi hè temps.   

Era preinscripcion serà deth 31 d’agost enquiath 3 de seteme tàs 15 ores dera tarde a trauèrs dera web dera EOI de Lleida.

Des dera EOI s’arrebrembe qu’eth metòde emplegat en centre ei er aprendissatge significatiu.

Per un aute costat, es pròves de nivèu se realizaràn pendent es pròplèus 9 e 10 de seteme.