Es pompièrs dèren ager per escandit eth huec forestau en Arties, que des deth dimenge pera net a cremat ues 240 ectares de peisheus.

Eth huec demorèc controlat aguest dimars pera tarde e pendent eth dimèrcles dues unitats deth còs d'escandiment de huecs revisèren era zòna afectada entà verificar que non i auesse cap reviscolada.

En concrèt, eth prètzhèt lo realizèren un veïcul des Pompièrs d’Aran e d'aute deth Grop de Supòrt d'Accions Forestaus (GRAF).

Eth huec a cremat ua zòna de nauta montanha aluenhada de nuclèus abitadi. Non se podec controlar enquiath dimars pera orografia deth terren. Es efectius auien dificultats entà trabalhar pr'amor que rodauen pèires e troncs alugadi.

Info e fòtos: Bomberscat