Societat
Era prepausa d’ampliacion deth Refugi dera Honeria compde damb era aprobacion der Ajuntament de Canejan
28/02/2019
Er Ajuntament de Canejan a mostrat era sua conformitat ara prepausa d’ampliacion deth Refugi dera Honeria.
A compdar d’aguest moment s’iniciaràn es tramits deth procès administratiu entà licitar es òbres, tàs quaus se destinarà ua inversion de 400.000 euròs. Eth finançament d'aguesti trebalhs depenerà deth Departament d’Enterpresa e Coneishement dera Generalitat e deth pròpri deth Conselh Generau d’Aran, qu'invertiràn 200.000 euròs cadun.
Era modernizacion d’aguest refugi vò èster un element dinamizador dera ribèra deth Toran e un element clau entà dar a conéisher eth valuos entorn naturau d’aguest parçan e dera trauèssa entàs lacs de Liat e Colhada de Varradòs.
Eth projècte manten es dimensions exteriors deth refugi e genère un element centrau a on se plaçarà er espaci de dormitòri. Aguest nau refugi compdarà damb 25 places de pernoctacion, servicis sanitaris, naua codina e minjador, e tanben un espaci de taquilhes.
IMATGES: CONSELH GENERAU D'ARAN
A compdar d’aguest moment s’iniciaràn es tramits deth procès administratiu entà licitar es òbres, tàs quaus se destinarà ua inversion de 400.000 euròs. Eth finançament d'aguesti trebalhs depenerà deth Departament d’Enterpresa e Coneishement dera Generalitat e deth pròpri deth Conselh Generau d’Aran, qu'invertiràn 200.000 euròs cadun.
Era modernizacion d’aguest refugi vò èster un element dinamizador dera ribèra deth Toran e un element clau entà dar a conéisher eth valuos entorn naturau d’aguest parçan e dera trauèssa entàs lacs de Liat e Colhada de Varradòs.
Eth projècte manten es dimensions exteriors deth refugi e genère un element centrau a on se plaçarà er espaci de dormitòri. Aguest nau refugi compdarà damb 25 places de pernoctacion, servicis sanitaris, naua codina e minjador, e tanben un espaci de taquilhes.
IMATGES: CONSELH GENERAU D'ARAN
Clara Villar