Es corses de Trailrunning son ua bona forma de apropar torisme ara Val d’Aran e s’a constatat coma enes darrèrs ans an apareishut pròves esportives de naut nivèu estacades ad aguesta disciplina qu’an potenciat mès ath territòri en aguest sens.

Era darrèra incorporacion ad aguest selècte grop a estat era Infinite Race Val d’Aran, ua competicion que consistie en dar torns de 6,7 quilomètres damb mès de 200 mètres de desnivèu positiu en mens d’ua ora en tot passar pes poblacions de Salardú, Unha e Gessa. Era particularitat d’aguest tipe d’eveniments ei qu’er esfòrç mentau de viatges supère ath fisic e ei atau coma se dan constantment torns enquia que sonque manque un guanhador. Enguan, era persona que mès aguantèc en aguesta pròva auec de dar 23 torns damb un totau de 154,1 quilomètres, ua ultramaraton damb majuscules en tot descorbir es milhors paisatges, cultura e tradicions de Naut Aran.

Era Infinite Race Val d’Aran a esdevengut ua corsa que de ben segur seguirà damb eth sòn camin enes ans que vieràn entà èster un referent a nivèu estatau.