S’a decretar preson entà un òme de 45 ans per pressumpta agression sexuau damb submission quimica. Er acusat serie un trabalhador der Espitau Val d’Aran, concretament d’un anestesista d’aguest equipament espitalari, segontes s’a pogut saber. Ath delà, se destaque er hèt qu’aguesta persona formaue part dera plantilha der Espitau des de hège fòrça pòc temps.

Era agression s’aurie produsit pendent eth fin de setmana deth 9 e 10 març ena net a on, apareishie ena maitiada -prumèra ora deth maitin ua henna desorientada e damb sintòmes de submission quimica en ua zòna pròplèua a on i a òci nocturn entre es poblacions de Vielha e Betren 

Es Mòssos d’Esquadra se hèren cargue deth cas e detengueren eth passat 11 de març un trabalhador der Espitau Val d’Aran, a qui se l’impute un possible delicte d’agression sexuau. Eth detengut, passèc a disposicion judiciau en jutjat de Vielha, que decretèc er ingrés en preson der acusat.