Centenats de persones ena Crèma deth Taro d'Arties

24/06/2019

Arties dejà a celebrat era sua net mès especiau der an: era dera crèma deth taro de Sant Joan. Huec, diversion e tradicion en ua jornada ara que i an assistit centenats de persones.

En Arties era arribada deth solstici d’estiu se celèbre damb era crèma d’un tronc d’auet, en tot coïncidir damb er inici des hèstes majors dera localitat.

Aguesta celebracion mercaue tanben eth moment en qué es pagesi començauen a pujar as animaus as pastures mès nautes des montanhes.

Coma cada an, er acte a començat damb eth transpòrt des halhes alugades des deth centre d’Arties enquiara plaça deth Taro. Un viatge aquieu, se li a calat huec, se l’a tirat e s’a arrosegat pes carrèrs e places d’Arties ath temps qu’era charanga amenizaue era net. Çò que s’acostume a hèr en Arties ei sautar eth Taro alugat peth dessús, quauquarren sonque apte tàs mès valents.

Segontes era tradicion, es cendres deth Taro protegissen, purifiquen e fertilizen. Per aquerò ei abituau d’escampar-les per tot eth pòble tà aluenhar es maus esperits.

Laura Rodríguez