Er accès dirècte damb aguesti remontadors hè mès accessible era exploracion d'ua ampla seleccion de pistes e camins de dificultat variada e que son dauridi ath public autant se s'accedís damb remontador coma se se puge a pè.

Es traçats, autant de senderisme coma BTT, son possibles gràcies ath trabalh deth Conselh Generau d'Aran damb era collaboracion der Ajuntament de Naut Aran. Aguestes institucions, e Baqueira en tot dar accès a trauès des sòns remontadors, fomenten un emplec polivalent de cèrti traçats, autant a pè coma en biciclèta, en un exemple de convivéncia en nauta montanha de desparièrs tipes d'espòrts de natura.

Destacar er ampliament des "flow trails" de BTT, damb eth traçat nau Telesèra e eth remodelament deth Tortuga, que son circulables autant ena sason d'ostiu damb remontadors dauridi coma dehòra d'aguestes dates e que son de pòca dificultat e dessenhadi entà èster accessibles entà tota era familha. D'aguesta manèra, s'aufrissen 9 camins de BTT que se somen ath vast hilat de traçats qu'aufrís era Val d'Aran.

Entàs apassionadi deth ciclisme de montanha, i a ua ampla varietat de rotes. Recomanam eth traçat Tà Vaquèira que trauèsse en diagonau Beret entà enlaçar damb eth tranquil Camin Dera Aigua o eth desafiant descens de Dera Escarcanhada en Orri, segontes era eleccion des riders. Tanben son senhalizades rotes de senderisme entà accedir a lòcs impressionanti, coma es magiqui Lacs deth Clòt der Os o es abans mencionadi plaçadi en Orri e que se dirigissen en Vaquèira que son circulables sense problèma a pè.


HÒNT: BAQUEIRA-BERET