Baqueira Beret adie era dubertura deth complèx enquia eth Pònt dera Constitucion.

Era estacion d’esquí aranesa a emetut un comunicat en tot anonciar que, per manca de nhèu, s’an vist obligadi a postposar eth dauriment des sues installacions enquiath pònt previst deth 6 ath 8 de deseme. Totun, Baqueira Beret explique qu’era naua data ei condicionada a s’es condicions meteorologiques permetissen era practica des espòrts de nhèu ena zòna.

S’era setmana passada era estacion aranesa e des Vals d’Àneu arrecebec nheuades e poguec produsir nhèu en grana mesura, era pujada des temperatures e es precipitacions d’aguesta madeisha setmana an motivat qu’eth dauriment se vage a adiar enquiath pònt de deseme.

Des de Baqueira Beret afirmen qu’an totes es sues equipes tecniques premanides entà que, en moment que baishen es temperatures e i age nheuades se pogue daurir parciaument era estacion en minim lapse de temps possible.

Per çò que hè a d’auti servicis coma Baqueira Store, era restauracion o d’auti, s’estrearàn ath madeish viatge que s’inaugure era sason.