Es poblacions de Bagergue e Canejan, reconeishudes coma "Viles Florides", s'an amassat junh damb Rialp e Vilaller entà promòir es "Viles Florides del Pirineu de Lleida". Aguesta accion conjunta a er objectiu dera elaboracion d'un triptic explicatiu a on s'inclodissen es ahèrs mès caracteristics de cada pòble e era sua localizacion, e atau poder aufrir ua rota per aguestes localitats.

Se poderà disposar des triptics enes burèus de torisme dera Val d'Aran atau coma des comarques deth Palhars Sobirà e era Nauta Robagorça e aufrir ua rota pes diferentes "Viles Florides de Pirineu de Lleida".

Cau rebrembar qu'eth distintiu de "Vila Florida" ei avalat pera Agéncia Catalana de Torisme, que vò reconéisher era riquesa naturau e païsatgistica de Catalonha mejançant eth reconeishement public des projèctes de enjardinament, ornamentacion florau e cultura deth verd urban.