Aran per sa Lengua se traslade enguan as hilats sociaus

23/07/2020

Eth darrèr dimenge de junhsèga jamès ei un dimenge quinsevolh entara Val d’Aran. Era Corsa d’Aran per sa Lengua amassa damb eth lèma “Qui ten era lengua, ten era clau”, son dejà part der ADN de toti es aranesi. 

Totun, era grèu crisi sanitària que trauessam damb eth Coronavirus a obligat ath collectiu Lengua Viua a suspéner era Corsa d’enguan.

Ne es caminades ne eth concèrt s’amiaràn a tèrme, mès s’a organizat entad aguest dimenge 26 de junhsèga ua hèsta alternatiua tà hèr efectiva era esséncia der Aran per sa Lengua, en tot reivindicar era lengua e era identitat pròpries d’Aran. 

Atau, era hèsta d’enguan se traslade as hilats sociaus.

Enguan non i aurà samarreta, mès dejà s’a cercat quauquarren coma substitut. 

Un complement essenciau aué dia que des deth collectiu demanen que se convertisque en simbèu d'aguest particular Aran per sa Lengua.

Laura Rodríguez