Societat
Aran acuelh era prumèra pròva pilòt en sud d’Euròpa damb un ictiocida biodegradable tara eliminacion de peishi invasors enes Pirenèus
25/09/2024
Eth Conselh Generau d’Aran participe en aguest projècte pionèr de restauracion d’abitats aquatics en estanh de Manhèra en circ de Colomèrs laguens deth programa LIFE RESQUE ALPYR
Eth projècte LIFE RESQUE ALPYR, inície ua pròva pilòt pionèra d’eliminacion de peishi invasors damb un biocida biodegradable en un estanh de nauta montanha en circ de Colomèrs, ena Val d’Aran. Aguesta iniciativa ei part d’ua estratègia mès longa tà restaurar abitats aquatics de nauta montanha, entà convertir es estanhs restaurats en resèrves de biodiversitat e de corredors ecologics. Se tracte dera prumèra aplicacion en un estanh de nauta montanha en sud d’Euròpa, que proporcionarà dades importantes sus era sua eficàcia coma esturment de gestion.
Ua des principaus menaces tad aguesti espacis ei era preséncia d’espècies de peishi introdusits, com era pesquida, qu’acaben damb es espècies autoctònes e altèren grèument er equilibri des ecosistèmes. Per aquerò, ua des accions claus deth projècte ei era restauracion de 22 estanhs de nauta montanha des Pirenèus e des Aups mejançant era eliminacion de peishi introdusits damb tecniques tradicionaus.
Es tecniques convencionaus de captura, coma hilats, params e pesca electrica, son abituaus ena eliminacion de peishi en estanhs de montanha. Totun, es restriccions biologiques e ambientaus, coma era dimension der estanh o era preséncia dera pesquida, pòden limitar era sua aplicabilitat. Per aguest motiu cau explorar metòdes alternatius.
Es tecniques convencionaus de captura, coma hilats, params e pesca electrica, son abituaus ena eliminacion de peishi en estanhs de montanha. Totun, es restriccions biologiques e ambientaus, coma era dimension der estanh o era preséncia dera pesquida, pòden limitar era sua aplicabilitat. Per aguest motiu cau explorar metòdes alternatius.
Era pesquida, un petit ciprinid de rapid creishement, nauta taxa reproductora e grana capacitat d’adaptacion, pòt formar populacions denses e convertir-se en un rèpte tath contraròtle demografic dera espècia.
En aguest contèxte, s’a hèt una pròva pilòt damb rotenona, un ictiocida naturau biodegradable extrèt des arraïtzes de plantes dera familha des Fabaceae, que s’a utilizat tradicionaument en sud-èst asiatic e en America deth Sud entà pescar. Se i hig un producte semblant ara tròca o Verbascum, ua planta que s’a utilizat istoricament enes Pirenèus tà pescar enes tolhes des arrius.
HÒNT: CONSELH GENERAU D'ARAN
HÒNT: CONSELH GENERAU D'ARAN
Manu Moga